ویب ڈیسک: سہ ملکی ٹی20 سیریز کے فائنل میں آج پاکستان اور افغانستان کی کرکٹ ٹیمیں شارجہ میں ایک بار پھر آمنے سامنے ہوں گی۔ دونوں ٹیمیں اس اہم میچ کیلئے بھرپور تیاریوں میں مصروف رہی ہیں۔
پاکستان کی ٹیم نے آئی سی سی کرکٹ اکیڈمی میں سخت پریکٹس کی ہے تاکہ وہ فائنل میں بہترین کارکردگی دکھا سکے۔ رواں سیریز کے دوران دونوں ٹیموں نے ایک ایک میچ جیت کر توازن قائم رکھا ہوا ہے، جس سے توقعات اور جوش میں اضافہ ہوا ہے۔
سیریز کا مختصر جائزہرواں سیریز میں تین ٹیموں نے حصہ لیا،پاکستان اور افغانستان نے دونوں نے ایک ایک میچ جیتا۔متحدہ عرب امارات کی ٹیم چار میچز میں سے صرف ایک جیت سکی اور ٹورنامنٹ سے باہر ہو گئی۔
فائنل میچ شائقین کے لیے خاص اہمیت رکھتا ہے کیونکہ دونوں ٹیمیں برابر کی ہیں اور جیت کے لیے پوری طرح پرعزم ہیں۔ کرکٹ کے شائقین اس مقابلے کو بے صبری سے دیکھنے کے منتظر ہیں کیونکہ یہ دونوں ٹیموں کے درمیان سنسنی خیز مقابلے کا اعادہ ہوگا۔
