ویب ڈیسک: پنجاب اور خیبرپختونخوا میں زلزلے کے جھٹکے محسوس کیے گئے ۔
میڈیا ذرائع کے مطابق پشاور ایبٹ آباد، مالاکنڈ، مردان، ہنگو میں بھی زلزلے کے شدید جھٹکے محسوس کیے گئے ہیں۔
نوشہرہ، بٹگرام، سوات، باجوڑ، مہمند، بونیر میں بھی زلزلے کے جھٹکے محسوس کیے گئے۔
اٹک، میانوالی، گوجرانوالہ میں بھی زلزلے کےجھٹکے محسوس کیے گئے اور لوگ کلمہ طیبہ کا ورد گرتے ہوئے گھروں سے باہر نکل آئے۔
زلزلہ پیما مرکز کا کہنا ہے کہ زلزلے کی شدت 5.9 اور گہرائی 111 کلو میٹر ریکارڈ کی گئی، زلزلے کا مرکز ہندوکش ریجن افغانستان تھا۔
ریسکیو حکام کا کہنا ہے کہ خیبرپختونخوا میں زلزلے سے کسی نقصان کی اطلاع نہیں ہے۔
